राष्ट्रिय सूचना दिवसका उपलक्ष्यमा सम्माननीय प्रधानमन्त्री श्री पुष्पकमल दाहाल “प्रचण्ड”को शुभकामना सन्देश

नेपालमा सूचनाको हक सम्बन्धी कानून लागु भएको आजदेखि नौ वर्ष पूरा भई दश वर्ष प्रवेश गरेको छ । राष्ट्रिय सूचना दिवसको यो अवसरमा सर्वप्रथम सम्पूर्ण नेपाली दाजुभाइ, दिदीबहिनीहरुमा हार्दिक बधाई तथा शुभकामना व्यक्त गर्न चाहन्छु ।
सूचनाको हक सम्बन्धी कानून बमोजिम सार्वजनिक महत्वको सूचनामा नागरिकको सहज पहुँच पु¥याउन, नागरिकको सूचनाको हकको सम्मान गर्न, कानूनले निर्दिष्ट गरेकै अवधिभित्र सूचना मागकर्ता नागरिकलाई सूचना दिन, सूचना माग र प्रवाहको अलग्गै अभिलेख राख्न, सूचनाको वर्गीकरण गर्न, सूचनादाताको संरक्षण गर्न र सूचना प्रवाहकै माध्यमद्वारा आम जनतामा सुशासनको अनुभूति दिलाउन सरकारसहित सबै सार्वजनिक निकायहरुले प्रतिवद्वता व्यक्त गरी काम गरेमा नै राष्ट्रिय सूचना दिवस मनाएको सार्थकता हुनेछ ।
राष्ट्रिय सूचना दिवसको यस अवसरमा म सरकारी कार्यालय, राजनैतिक दल, गैरसरकारी संस्था, निजी क्षेत्र र कानूनद्वारा स्थापित सबै निकायले सूचनाको हक सम्बन्धी कानूनले निर्दिष्ट गरेको दायित्वलाई हुबहु पालना गर्न सबैको ध्यानाकर्षण गराउन चाहन्छु ।
मितिः २०७३।०५।०३